Vesturvin er ný íbúðarbyggð með heillandi borgarbrag sem rís nú á gamla Héðinsreitnum í Vesturbæ Reykjavíkur. Með uppbyggingu Vesturvinjar verður nýju lífi hleypt í sögulegt iðnaðarsvæði sem hefur verið afskipt og í niðurníðslu um árabil. Staðsetning reitsins er mjög mikilvæg sem tenging á milli miðbæjar, Vesturbæjar og Grandahverfis.

Lögð er áhersla á gönguvænan og sjálfbæran lífsstíl með greiðum göngutengingum við nærliggjandi hverfi og skjólgóðum borgargörðum ásamt almenningstorgi sem býður gesti velkomna. Mismunandi stærðir og útfærslur íbúða, gæðamiklir garðar og torg auk verslunar og veitingarýmis á jarðhæð stuðla að fjölbreyttu mannlífi.

Íbúðirnar eru bjartar með gólfsíðum gluggum og þaðan er stórkostlegt sjávar- og borgarútsýni. Mikil vinna var lögð í hönnun á flæði íbúðanna og gæðamikið efnisval. Þessi snjalla endursköpun rýmis og samfélags er í höndum alþjóðlegs teymis arkitekta, landslagsarkitekta og innanhússarkitekta sem allir skipa sér í fremstu röð, frá Íslandi, Hollandi og Ítalíu.