Eiðhús er gamalt sveitabýli á Snæfellsnesi sem Festir breytti í 5 vandaðar stúdíóíbúðir, leigðar út til ferðamanna. Lögð var áhersla á að halda upphaflegum einfaldleika gamla hússins sem var einnar hæðar hús með einhalla þaki og byggt um miðja síðustu öld. Húsið fellur einstaklega vel að landslaginu, þar sem það stendur á tólf þúsund ára gömlum fjörumörkum með stórkostlegt útsýni til allra átta.